Zeytun yağı və mayonez istifadə edənlər... | Alimlər xəbərdarlıq etdi

Alimlər Parkinson xəstəliyi ilə mayonez istehlakı arasında əlaqə olduğunu müəyyən ediblər.

Parkinson xəstəliyi dopamin istehsal edən neyronların itirilməsi nəticəsində yaranan xroniki və mütərəqqi nevroloji xəstəlikdir. Bu xəstəlik titrəmə, əzələ sərtliyi, hərəkətin ləngiməsi, tarazlıqda çətinliklərlə yanaşı, depressiya, yuxu pozğunluğu və idrak dəyişiklikləri ilə də müşahidə olunur.

Tədqiqatda 120 Parkinson xəstəsi və 50 sağlam insan iştirak edib. Parkinson xəstəliyindən əziyyət çəkənlərin hidrogenləşdirilmiş bitki yağlarından daha çox istifadə etdiyi aşkar olunub. Bu şəxslərin zeytun yağı və mayonez istehlakı daha yüksək olub.

Elm adamları bu tədqiqatın Parkinson xəstəliyinin qidalanma ilə bağlı aspektlərini daha yaxşı anlamağa kömək edə biləcəyini, onun qarşısının alınması və müalicəsi ilə bağlı yeni yanaşmaların inkişafına təsir göstərəcəyini bildiriblər.