“Zülm çəkirik, elə qorxuludur ki...” | Elektromobil sürücülərinin həyatı niyə təhlükədədir?

Bakı Olimpiya Stadionunun yaxınlığında yerləşən elektrikdoldurma məntəqəsi inşa olunanda onun yerləşdiyi ərazidə yağış sularının kənarlaşdırılması üçün nəzərdə tutulan drenaj sistemi qurulmayıb.

Bu da intensiv yağışların olduğu günlərdə elektromobil sürücülərini elektrik cərəyanı vurması təhlükəsi ilə üz-üzə qoyur.

“Bir damcı yağış düşən kimi qorxulu vəziyyət yaranır, zülm çəkirik. Həm avtomobilə, həm də özümüzə görə ehtiyat edirik”, – deyə sürücü narazılığını bildirib.

Memar Elçin Əliyev məsələ ilə bağlı açıqlamasında ərazidə drenaj sisteminin qurulmasının vacibliyini vurğulayıb.

“İnanmıram ki, memarlıq şirkəti bu qədər vacib infrastruktur layihəsinin icrası zamanı drenaj sisteminin qurulmalı olduğunu unutsun. Bunu həyata keçirməmək cinayətdir. Payıza qədər drenaj sistemi mütləq qurulmalıdır”, – deyə o bildirib.