10 nəfərin öldüyü yanğınla bağlı ittiham edilənlərin məhkəməsində nələr yaşandı? - Baku TV

“Bakı Ağac Emalı” Açıq Səhmdar Cəmiyyətinin ərazisində yerləşən mebel emalatxanasında 10 nəfərin ölümü, 23 nəfərin xəsarət alması ilə nəticələnən partlayışla bağlı təqsirləndirilən şəxslərin vəkilləri və zərərçəkənlərin hüquqi varislərinin verdiyi kassasiya şikayətinə baxılıb.

Ali Məhkəmədə hakim Teyyub Muxtarovun sədrliyi ilə keçirilən prosesdə təqsirləndirilən şəxslərin kassasiya şikayəti qismən təmin edilib və onların cəzası daha 6 ay azaldılıb.

Xatırladaq ki, Bakı Ağır Cinayətlər Məhkəməsinin hökmünə əsasən, təqsirləndirilən Tağı İbrahimov və Toğrul Rzayev 6 il müddətinə azadlıqdan məhrum edilib.

Bakı Apellyasiya Məhkəməsinin qərarı ilə hökm qüvvədə saxlanılıb. Eyni zamanda məhkəmədə elan olunub ki, təqsirləndirilən şəxslərə amnistiya aktı elan edilərək, hər birinin cəzası 5 il 6 aya endirilib.