107 günün sirri ortaya çıxır | Trampa uduzan Harris nələri etiraf edəcək?
ABŞ-nin keçmiş vitse-prezidenti Kamala Harris 2024-cü il prezident seçkiləri kampaniyası haqqında kitab dərc edəcək.
Kitab “107 gün” adlanacaq.
“X” sosial şəbəkəsində paylaşılmış videoçarxda Harris "107 gün"ü öz kampaniyası haqqında "pərdərxası hesabat" kimi təsvir edib.
"Düşünürəm ki, gördüklərimi, öyrəndiklərimi və irəli getmək üçün nəyin lazım olduğunu paylaşmaq lazımdır", ‒ Harris bildirib.
Bu elan Harrisin Kaliforniya qubernatoru vəzifəsinə namizədliyini irəli sürməyəcəyini bəyan etməsindən bir gün sonra açıqlanıb.
“Simon & Schuster” nəşriyyatı artıq öz saytında kitaba keçid yerləşdirib.
"Məxfi xidmətdəki kod adınız Pionerdir. Siz ABŞ-nin vitse-prezidenti seçilmiş ilk qadınsınız. 21 iyul 2024-cü ildə həmkarınız Co Bayden ikinci müddətə namizədliyini irəli sürməyəcəyini elan edəcək. Prezident seçkiləri 5 noyabr 2024-cü ildə keçiriləcək. Sizin 107 gününüz var", ‒ elanda deyilir.
Kitabın nəşri 23 sentyabr tarixinə planlaşdırılıb.
#ABŞ teqi istifadə olunub
- ABŞ-nin “Azadlıq layihəsi” əməliyyatı Hörmüz boğazını açmaya bilər
- ABŞ yeni dünya nizamı cızır: İttifaqlar dəyişir, risklər artır? - AKTUAL GÜNDƏM
- “Heç kəsin bunu etmək hüququ yoxdur” | Rubio Hörmüzə görə kimləri hədələdi? - Baku TV
- Yaxın Şərqdə gərginlik necə olacaq? | Beynəlxalq qurum həll yolu tapa biləcək? - 24 SAAT
- Beynəlxalq qanunları pozan iki ölkə müharibəni "sənədləşdirir" - Baku TV
