125 israilli hələ də girov saxlanılır | İsrail Müdafiə Ordusundan açıqlama

“HƏMAS qruplaşması Qəzzada Rəfahdan İsrailin mərkəzinə 8 raket atıb, milyonlarla israillinin olduğu sığınacaqlar bombalanıb”.

Bu barədə İsrail Müdafiə Qüvvələrinin sözçüsü Daniel Haqari məlumat verib.

O bildirib ki, HƏMAS bu raketləri Rəfahdakı iki məscidin yaxınlığından atıb.

“Qruplaşma bu müharibəyə ötən il oktyabrın 7-dən başlayıb. Onlar girovlarımızı azad etməkdən imtina etməklə və İsrailə yönəlik aramsız hücumlara son qoymamaqla bu müharibəni davam etdirməyi seçir.

HƏMAS Qəzzada sərhədimizdən keçən 125 insanımızı girov saxlayır. Onların azadlığı uğrunda mübarizəni dayandırmayacağıq”, – D.Haqari qeyd edib.