13-cü girov İsrailə təhvil verildi

“ABŞ Prezidenti Donald Tramp əmindir ki, Qəzza zolağında atəşkəs rejiminin pozulması HƏMAS-ın rəhbərliyi tərəfindən sanksiyalaşdırılmayıb”.

Bu barədə o, Ağ Evdə Avstraliyanın Baş naziri Entoni Albanese ilə görüşü zamanı Qəzza zolağındakı vəziyyəti jurnalistlərə şərh edərkən deyib.

“Mən inanmıram ki, bunu HƏMAS-ın rəhbərliyi edib”, – deyə ABŞ lideri bildirib.

Eyni zamanda Tramp vurğulayıb ki, əgər vəziyyət gərginləşərsə, ABŞ HƏMAS-a qarşı qətiyyətli güc tətbiq etməyə hazırdır. “Onlar özlərini düzəltməsələr, bu, çox tez həll olunacaq”, ‒ deyə Ağ Ev rəhbəri bildirib.

Qeyd edək ki, İsrail və HƏMAS bundan əvvəl bir-birini atəşkəsi pozmaqda ittiham etmişdi.

Fələstinin HƏMAS təşkilatı daha bir israilli girovun meyitini Qəzza zolağında Beynəlxalq Qırmızı Xaç Komitəsinin nümayəndələrinə təhvil verməsi bərədə məlumatı təsdiq etdi. Bu, oktyabrın 10-da atəşkəsin qüvvəyə minməsindən sonra qruplaşmanın qaytardığı 13-cü meyitdir.

İsrail Ordusunun məlumatına görə, qarşı tərəfin hücumu nəticəsində iki hərbçi öldürüldükdən sonra ölkənin hərbi qüvvələri Qəzza zolağına bir sıra hava zərbələri endirib. HƏMAS hücumda iştirakı barədə iddiaları təkzib edib.