Pleyeri seçin:
18 hərbi əsir azad olunacaq
Tailandın və Kambocanın baş nazirləri Anutxin Çanvirakun və Hun Manet ABŞ Prezidenti Donald Trampın iştirakı ilə Kuala-Lumpurda keçirilən Cənub-Şərqi Asiya Dövlətləri Assosiasiyasının sammiti çərçivəsində sülh sazişini imzalayıblar.
Bu barədə xarici media məlumat yayıb. Bildirilib ki, 2 ölkə arasında əldə olunan razılaşma çərçivəsində 18 kambocalı hərbi əsir azad olunacaq.
Xatırladaq ki, ABŞ Prezidenti Donald Tramp Malayziyaya gəlişindən dərhal sonra Tailand və Kamboca arasındakı münaqişənin həlli ilə bağlı bəyannamənin imzalanmasının onun iştirakı ilə baş tutacağını açıqlayıb.
“Kamboca və Tailand arasında vasitəçilik etməkdən qürur duyduğum böyük sülh müqaviləsini imzalamaq üçün Malayziyaya gedirəm. Onların Baş naziri ilə görüşəcəyəm. Sülh müqaviləsini dərhal imzalayacağıq”, − deyə D.Tramp vurğulayıb.
Kopyalandı
#Tailand teqi istifadə olunub
Seçilmişlər
