Pleyeri seçin:
182 min seçici səs verdi | Ən gözəl paytaxt...
Maltanın paytaxtı Valletta, "Condé Nast Traveller" jurnalı tərəfindən keçirilən "Readers Choice Awards – 2025" reytinqində Paris, Afina və Lissabon kimi böyük turizm mərkəzlərini geridə qoyaraq birinci yeri tutub. Şəhər dünyanın ən gözəl paytaxtı elan edilib. Nəşrin 182 mindən çox oxucusu səs verərək şəhərin mədəniyyətini, mətbəxini və qonaqpərvərliyini yüksək qiymətləndirib. Valletta 100 baldan 97,33 bal toplayıb. Sahəsi bir kvadrat kilometrdən az olan bu şəhər barokko üslublu sarayları, qədim istehkamları və dar küçələri ilə açıq səma altında muzeyi xatırladır.
Şəhərin tarixinə gəlincə, Valletta 16-cı əsrdə Malta cəngavərləri tərəfindən qurulub və 1980-ci ildən UNESCO-nun Ümumdünya İrs Siyahısına daxil edilib.
Kopyalandı
Seçilmişlər
