2 ölkədən Ukraynaya böyük hərbi dəstək | Gücümüzü cəmləşdiririk!
Niderland artıq Ukraynaya dronlar ötürür. Bu barədə Qərbi Avropa ölkəsinin müdafiə naziri Kaysa Ollonqren deyib.
"Dəqiq rəqəm deyə bilmərəm, ancaq biz artıq Ukraynaya dronlar ötürürük. Sözsüz, mən hesab edirəm ki, bu dronlar çox vacibdir. Çünki indi biz səylərimizi birləşdirəcəyik, bu da o deməkdir ki, dronların sayını artıra və həmçinin Ukraynanın ehtiyaclarına uyğun olaraq konkretləşdirə biləcəyik", – deyə o bildirib.
Kanada isə Ukraynaya 800-dən çox çoxməqsədli pilotsuz uçuş aparatları bağışlayacaq. Bu barədə Kanadanın müdafiə naziri Bill Bleir deyib.
"Dronların dəyəri 70 milyon ABŞ dollarından çox qiymətləndirilir. Bugünkü elan Ukraynanı döyüşlər üçün kritik olan hədəfləri aşkar etmək və müəyyən etmək üçün lazım olan dronlara malik olmasını təmin edir. Kanada nə qədər lazımdırsa, Ukraynanın yanında olacaq", – deyə Bill Bleir bildirib.