2000 il gizli qalan döyüşdə nələr baş verib? | Arxeoloqlardan təəccübləndirici tədqiqat

Arxeoloqlar ilk dəfə olaraq vəhşi pişik tərəfindən parçalanmış gənc qladiatorun skeletini tapıblar.

Bu, insanla iri heyvan arasında döyüşün ilk fiziki sübutudur.

Arxeoloqlar Böyük Britaniyada aparılan qazıntılar zamanı Roma qladiatorunun skeletini aşkar ediblər.

Araşdırmalara görə, 26-35 yaş aralığında ölmüş bu kişinin çanaq sümüklərində böyük pişiyə, yəqin ki, şirə aid diş izləri müəyyən edilib.

Araşdırma zamanı alimlər qladiatorun başsız skeleti üzərində 3D skan etmə üsulundan istifadə ediblər. Onların diqqətini xüsusilə bud sümüyü boyunca görünən dairəvi izlər cəlb edib. Arxeoloqlar bu izləri zooparklarda sümük gəmirən heyvanların buraxdığı izlərlə müqayisə ediblər. Məlum olub ki, çita, şir, pələng və leopardların diş izləri skeletdəki izlərlə demək olar ki, eynidir.