24 il sonra deyilən qandonduran iddia | Məşhurları ittiham edən qadın nələri açıqladı?

Reper Cey-Z 2000-ci ildə Şon Kombsla birlikdə 13 yaşlı qıza cinsi təcavüzdə ittiham olunur.

Şon Kombs tərəfindən cinsi təcavüzə məruz qaldığını iddia edən bir qadın eyni məclisdə Cey-Z tərəfindən də təcavüzə məruz qaldığını bildirərək məhkəmə iddiasına düzəliş edib.

Kombsa qarşı iddia oktyabr ayında açılıb, lakin bazar günü qadın mülki iddiaya cavabdeh qismində Cey-Z kimi tanınan reper və iş adamı Şon Karteri də əlavə edib.

Karter Kombsla bağlı cinsi təcavüzdə ittiham olunan ilk məşhurdur.

CNN-ə verdiyi açıqlamada Ş.Karter deyib: “İddia o qədər iyrənc xarakter daşıyır ki, sizdən mülki deyil, cinayət şikayəti verməyinizi xahiş edirəm! Yetkinlik yaşına çatmayan uşağa qarşı belə cinayət törədən hər kəs qapalı olmalıdır, razısınızmı?”.

Kombs seks alveri, reket, sui-qəsd və s. kimi cinayətlərdə ittiham olunur. O, bu ittihamlar üzrə özünü təqsirli bilməyib və ona qarşı qaldırılmış 30-a yaxın mülki iddiada yer alan bütün ittihamları rədd edib.

Ceyn Do kimi tanınan qadın deyir ki, 2000-ci ildə bir ziyafətdə Kombs və Karter tərəfindən təcavüzə məruz qaldıqda 13 yaşı olub. O, ziyafətdə içki içdikdən sonra özünü pis hiss etməyə başladığını və yataq otağına keçdiyini iddia edir. Qadın əvvəlcə Karterin, ardınca da Kombsun ona təcavüz etdiyini bildirir. O, Kombsu vurduğunu və məcslisdən qaçdığını söyləyib. Ancaq bu hadisə onun yadına niyə 24 ildən sonra düşüb? Qadın bu barədə danışmayıb.