4 nəfərin faciəvi ölümünə səbəb olan trend daha da məşhurlaşıb

Ölümlə nəticələnən tryuk “TikTok”da populyarlıq qazanıb.

Yeni trendə əsasən, istifadəçilər yüksək sürətlə hərəkət edən qayıqlardan və yaxtalardan dənizə tullanırlar. Xilasedicilər bildirirlər ki, bu fəndi betona tullanmaqla müqayisə etmək olar. Artıq bu trend səbəbindən 4 nəfər faciəvi şəkildə həlak olub.

Məlum olan ilk hadisə fevral ayında ABŞ-nin Alabama ştatında baş verib. Bir nəfər şəxs bu tryuku təkrarlamaq qərarına gəlib və ailəsi ilə istirahət edərkən qayıqdan tullanıb. Nəticədə o, öz uşaqlarının gözü qarşısında həyatını itirib. Əslində, bu trend bir neçə ildir mövcuddur, lakin 2023-cü ilin əvvəlindən təhlükəli dərəcədə populyarlaşıb. Psixoloqlar isə bildirirlər ki, bu cür riskli hərəkətlərə meyilli insanlar adətən monoton və stabil həyat tərzi sürən insanlardı. Onlar bu cür addımlarla şüuraltı olaraq içində olduqları vəziyyətə üsyan edirlər.