4 yaşlı qız faciə yaşadı | Anasına görə başına elə şeylər gəldi ki...

Avstraliyada yaşayan dörd yaşlı Luka de Qrut anasının bir neçə saniyəlik diqqətsizliyi nəticəsində yuyucu vasitənin kapsulunu dişləyərək ağır şəkildə xəsarət alıb.

Belə ki, kapsulun içindəki kimyəvi maye qızın gözlərinə sıçrayıb və nəticədə ciddi yanıq izləri alıb. Bu səbəbdən həkimlər üç ayrı cərrahi müdaxilə həyata keçirmək məcburiyyətində qalıblar.

Ana Jodi Loe hadisə ilə bağlı verdiyi açıqlamada paltar yuma zamanı qızına kapsulu verdiyini, arxasını çevirdiyi an isə Lukanın kapsulu dişlədiyini və kimyəvi maddənin dərhal gözlərinə sıçradığını bildirib. İlkin yardımlar və uşağın dərhal suyun altına alınmasına baxmayaraq, qızın vəziyyəti ağırlaşıb. Luka 16 gün xəstəxanada qalıb və hazırda sol gözündə görmə problemi davam edir.

Hadisədən sonra kapsul istehsalçısı "Unilever" şirkəti də açıqlama verərək "Uşaq təhlükəsizliyi bizim üçün prioritetdir" deyib.