53 nəfərə cinayət işi açıldı | Türkiyə DİN rəhbəri əməliyyatın detallarını açıqladı

Türkiyənin daxili işlər naziri Ali Yerlikaya İstanbul Baş Prokurorluğunun İstanbul Böyükşəhər Bələdiyyəsinə qarşı başlatdığı korrupsiya və terror istintaqı ilə bağlı sosial mediada təxribat xarakterli paylaşımlar etməkdə şübhəli bilinən 72-si xaricdə olmaqla 326 hesab idarəçisinin müəyyən edildiyini, onlardan 54-nün saxlanıldığını açıqlayıb.

Nazir Yerlikayanın sosial media hesabından yayımladığı açıqlamaya əsasən saxlanılan şəxslər Cinayət Məcəlləsinin “ictimaiyyəti kin və düşmənçiliyə sövq etmək” və “cinayətə təhrik” maddələri ilə istintaqa cəlb olunublar.

“Digər şübhəlilərin tutulması istiqamətində işlər davam edir. Bundan əlavə, ötən gecə keçirilən nümayişlərdə 53 nəfər barədə İctimai əmlaka zərər vurma və vəzifəli şəxslərə müqavimət göstərmə maddələri ilə cinayət işi açılıb. Bu nümayişlərdə 16 polisimiz yaralanıb”, – deyə Ali Yerlikaya qeyd edib.