61 yaşlı Tom Kruz yeni sevgilisi ilə gəldiyi partidən qaçdı

Məşhur aktyor Tom Kruz rusiyalı deputatın qızı Elsina Xayrova ilə yeni münasibətə başlayıb.

Ötən gün 61 yaşlı Tom və rusiyalı deputatın qızı, brilyant tacirinin keçmiş arvadı 36 yaşlı Elsina Xayrova məclisə gəliblər. İkili gecənin sonrakı dəqiqələrində öpüşərkən görüntülənərək münasibətlərini açıqlayıb.

Cütlük keçən şənbə günü axşam saat 9 radələrində Grosvenor Meydanındakı partiyə birlikdə gəliblər. Cütlüyü birlikdə görən qonaqlar çox təəccüblənsə də, onlar gecədən erkən ayrılıb.

Mənbə bildirib ki, qonaqlar Kruzdan onlarla şəkil çəkdirməyi xahiş ediblər, lakin aktyor bu vəziyyətdən narahat olub. Digər tərəfdən aktyorun DJ ilə anons verdiyi və şəkil çəkdirmək istəmədiyini dediyi də iddia edilib.

Qeyd edək ki, Britaniya vətəndaşı olan keçmiş model əvvəllər rusiyalı iş adamı Dmitri Tsetkovla evli olub. Cütlüyün həm Dubayda, həm də Kiprdə mülkləri, milyonlarla funt-sterlinq dəyərində avtomobil, zərgərlik və incəsənət kolleksiyaları var. Xayrova ötən ilin yayında ərindən boşanıb. O, boşanma zamanı 1 milyonluq pul kisəsi kolleksiyasını ərindən gizlətməsi ilə gündəmə gəlib.