8 metrlik zirvəni 50 dəfə fəth edərək hər kəsi təəccübləndirdi | Alpinist dünya rekordunu qırdı

Nims kimi tanınan əfsanəvi nepallı alpinist Nirmal Purca dünyanın ən yüksək zirvələrini fəth etməyə və yeni rekordlar vurmağa davam edir.

Belə ki, o, Şişabanqma zirvəsinə cəmi beş gün ərzində ikinci dəfə qalxıb.

Alpinist bu barədə özünün “Instagram” hesabında məlumat verib.

“Bu, 8 min metrlik zirvəyə ekspedisiya üçün inanılmaz dərəcədə sürətli nailiyyətdir. İndi mən dünyanın ən yüksək zirvələrinə 50 dəfə uğurla qalxmışam. Bu da məni buna nail olan ilk və ən sürətli insan edir”, – deyə Nirmal Purca qeyd edib.