ABŞ 1 əməliyyatla İrana ölümcül güc tətbiq edə bilər | Pentaqonun keçmiş rəsmisi

"ABŞ İrana qarşı yüksəksürətli hücuma hazırlaşır".

Bunu Pentaqonun keçmiş rəsmisi və Vaşinqton Yaxın Şərq Siyasəti İnstitutunun hazırkı direktoru Dana Stroll "Fox News Digital"a müsahibəsində bildirib.

ABŞ Ordusu Prezident Trampın əmri ilə uzunmüddətli və yüksək intensivlikli bir kampaniyaya hazırdır.

O əlavə edib ki, ABŞ Ordusu qısa müddət ərzində dünyanın hər yerindən aktivləri sürətlə hərəkət etdirə və tək bir əməliyyatla İrana böyük ölümcül güc tətbiq edə bilər.

"Heç bir dövlət ABŞ ilə hərbi rəqabət aparmaq gücündə deyil. Keçən yay Amerikanın iki təyyarədaşıyan gəmisi, müşayiət gəmiləri və hava bölmələri Yaxın Şərqə yerləşdirildi. "USS Gerald R. Ford" gəmisi ABŞ-nin hücum imkanlarını genişləndirir. Əgər 2025-ci ilin iyun ayında ABŞ regional müharibəyə səbəb olmadan İranın əsas obyektləri sıradan çıxara bildisə, bu dəfə də hərbi məqsədlərinə nail olacaq. Biz həmçinin regionda yerləşdirilən idarə olunan raket esmineslərinin, qırıcı təyyarələrin, yanacaqdoldurma təyyarələrinin və hava hücumundan müdafiə sistemlərinin sayını artırmışıq", – deyə ekspert bildirib.

Ştrol qeyd edib ki, İran rəhbərliyi diplomatik danışıqları güc nümayişi ilə birləşdirməyə çalışır.

“Onlar danışıqlar yolu ilə prosesi ləngitməyə çalışırlar. Heç kimin ABŞ-nin real üstünlüyü barədə illüziyası olmamalıdır. İran ənənəvi silahlar baxımından tamamilə geridədir. İsrail keçən il İranın hava məkanına bir gün hakim olub, çoxsaylı İran təhlükəsizlik işçilərinə zərbə endirib, onların raket arsenalının yarısını məhv edib və ABŞ onların nüvə proqramına əhəmiyyətli dərəcədə mane olub”, – deyə o əlavə edib.