Pleyeri seçin:
ABŞ-də süni intellektlə işləyən hərbi döyüş təyyarəsi test edildi
ABŞ döyüş təyyarələrini idarə etmək üçün süni intellektin sınaqdan keçirilməsini uğurla həyata keçirib.
"Associated Press"in verdiyi məlumata görə, Hərbi Hava Qüvvələrinin naziri Frenk Kendall Kaliforniyadakı Edvards Hərbi Hava Qüvvələri bazası yaxınlığında müstəqil şəkildə təlim döyüşü keçirən F-16-nın kabinəsində olub.
Qeyd olunur ki, ABŞ uzun müddətdir ki, hərbi aviasiyada süni intellekt elementlərinin tətbiqi üzərində işləyir. Məhz Edvards Hərbi Hava Qüvvələri bazasında sınaq pilotları döyüş təyyarələrinin idarə olunmasını süni intellektə öyrətmək üçün xüsusi simulyatorlardan istifadə edirlər.
Texnologiya hələ tam inkişaf etdirilməsə də, Pentaqon süni intellekt sistemləri ilə 1 000 təyyarədən ibarət donanma qurmaq istəyir ki, onlardan birincisi 2028-ci ilə qədər xidmətə başlamalıdır.
Kopyalandı
