Pleyeri seçin:
Tramp açıqlama verdi | ABŞ tərəfindən Oman körfəzində İrana məxsus gəmi tutuldu - Baku TV
ABŞ-nin idarəolunan raketli esminesi Oman körfəzində İran bayrağı altında üzən "Touska" yük gəmisini ələ keçirib.
Bu barədə ABŞ Prezidenti Donald Tramp "Truth Social" hesabında yazıb.
Onun sözlərinə görə, gəmi ABŞ Hərbi Dəniz Qüvvələri tərəfindən qurulan dəniz blokadasını yarmağa çalışıb.
"Gəmi bizim hərbi dəniz blokadamızı yarmağa çalışdı və bu, onlar üçün uğursuzluqla başa çatdı. ABŞ-nin idarəolunan raketli esminesi Oman körfəzindəki "Touska"nı ələ keçirib və dayanmaları üçün xəbərdarlıq edib. İran ekipajı tabe olmaqdan imtina edib, buna görə gəmimiz mühərrik otağında bir deşik açaraq onları yerində dayandırdı", – deyə Tramp İran gəmisinin gövdəsinin necə deşildiyini dəqiqləşdirmədən yazıb.
O əlavə edib ki, İrana məxsus gəmi ABŞ dəniz piyadalarının nəzarəti altındadır: "Biz gəmiyə tam nəzarət edirik və onu araşdırırıq".
Kopyalandı
Seçilmişlər
