ABŞ-dən İranı silkələyən zərbə | Hərbçilər gözlənilməz hücuma keçdi! - Baku TV

ABŞ hərbçiləri pilotsuz uçuş aparatlarının buraxılması üçün istifadə edilən İran gəmisinə zərbə endirdiklərini açıqlayıblar.

Bu barədə ABŞ Silahlı Qüvvələrinin Mərkəzi Komandanlığı "X" sosial şəbəkəsində məlumat yayıb.

Qeyd olunub ki, pilotsuz uçuş aparatları üçün nəzərdə tutulmuş və ölçülərinə görə İkinci Dünya müharibəsi dövrünün aviadaşıyıcılarına bənzəyən İran gəmisi zərbə nəticəsində vurulub.

Əlavə edək ki, İranın hava hücumundan müdafiə qüvvələri İsfahan istiqamətində uçan İsrailə məxsus kəşfiyyat pilotsuz uçuş aparatını vurduğunu açıqlayıb. Məlumata görə, İran HHM qüvvələri İsrail istehsalı olan “Heron” tipli pilotsuz uçuş aparatını ələ keçirərək məhv edib.

Qeyd olunur ki, dron İsfahan şəhərində yerləşən obyektləri hədəfə almışdı. Bundan əlavə, ABŞ və İsrailin İrana endirdiyi zərbələr nəticəsində ölənlərin sayı 1168-ə çatıb. Təşkilat ölənlərin 194-nün uşaq və yeniyetmə olduğunu qeyd edib.