ABŞ-Fransa gərginliyi | ”Fransa Prezidenti sülh şurasına qoşulmaq təklifini rədd edəcək” - Baku TV
ABŞ Prezidenti Donald Tramp yanvarın 22-də Davosda keçiriləcək Ümumdünya İqtisadi Forumu çərçivəsində Qəzza sülh prosesi üçün “Sülh Şurası”nın nizamnaməsinin mandatını və tam mətnini təsdiqləməyi planlaşdırır.
Bu barədə “Bloomberg“ mənbələrə istinadən məlumat yayıb.
Məlumata görə, Donald Tramp təşəbbüsü rəsmi olaraq başlatmaq üçün dəvət olunan ölkələrin sənədi imzalamasında israr edir.
Nizamnamə layihəsinə görə, Tramp qurumun ilk sədri olacaq və yeni üzvlərin dəvət edilməsi barədə şəxsən qərar verəcək.
Bu arada, Fransa Prezidenti Emmanuel Makron Donald Trampın yaratdığı “Sülh Şurası”na qoşulmaq dəvətini qəbul etmək niyyətində deyil. Bu barədə "Bloomberg" agentliyi Makrona yaxın mənbəyə istinadən məlumat yayıb.
Qeyd edilib ki, tənqidçilər Trampın uzun müddətdir tənqid etdiyi BMT-yə alternativ və ya rəqib yaratmağa çalışmasından narahatdırlar. “Sülh Şurası”nın nizamnaməsi layihəsinə görə, ABŞ lideri həlledici məsələlərdə səlahiyyətlərə malik ilk sədr olacaq.
#Donald Tramp teqi istifadə olunub
- Tehranın nüvə proqramı ilə bağlı danışıqlar necə olacaq?
- Sülh və təhlükəsizliyi qorumaq üçün minlərlə hərbçi yerləşdirilə bilər
- ABŞ-nin NATO-dan çıxması barədə xəbərə rəsmi reaksiya - Baku TV CANLI
- İranın taleyi danışıqların nəticələrindən asılıdır?
- Danimarkanın Baş nazirindən adanın gələcəyi ilə bağlı açıqlama
