ABŞ-İran danışıqlarında kimlər iştirak edəcək? - Narahatlığa səbəb olan məqam - Baku TV

ABŞ Prezidenti Donald Trampın administrasiyası müharibədən çıxış yollarını müzakirə etmək üçün bu həftəsonu İranla görüş planlaşdırır və bu görüşdə vitse-prezident Cey Di Vens şəxsən iştirak edə bilər.

Bu barədə "CNN" ABŞ administrasiyasının iki rəsmisinə istinadən məlumat yayıb.

Kanalın xəbərinə görə, danışıqların vaxtı, yeri və tərkibi müzakirə mövzusu olaraq qalır. Pakistanla yanaşı, Türkiyə də nəzərdən keçirilir və bəzi rəsmilər İslamabada mümkün səfərlə bağlı təhlükəsizlik narahatlıqlarını ifadə edirlər.

"CNN"in qeyd etdiyi kimi, hər iki ölkə mövcud diplomatik prosesdə vasitəçi kimi çıxış edib.

Qeyd edək ki, Tramp ötən gün Vensi, dövlət katibi Marko Rubionu, kürəkəni Cared Kuşneri və xüsusi elçi Stiv Uitkoffu İran danışıqlarının iştirakçıları kimi təyin edib. Onların Vensi müşayiət edib-etməyəcəyi hələlik məlum deyil.