ABŞ İranla danışıqlar aparır? | Müharibənin gedişatını dəyişəcək xəbər - Baku TV

“ABŞ və bir qrup vasitəçi ölkə Yaxın Şərqdəki münaqişəyə son qoymaq üçün martın 26-da yüksəksəviyyəli danışıqların keçirilməsi ehtimalı ilə bağlı İranın cavabını gözləyir”.

Bu barədə “Axios” mənbələrə istinadən məlumat yayıb.

ABŞ Prezidenti Donald Tramp isə artıq Vaşinqtonun İranla dialoq apardığını və qarşı tərəfin bunda maraqlı olduğunu açıqlayıb.

“Onların liderləri yoxa çıxıb. Heç kim kiminlə danışacağını bilmir. Amma biz əslində düzgün insanlarla danışırıq və onlar razılaşmanı o qədər çox istəyirlər ki, bunu təsəvvür belə edə bilməzsiniz. Nə olacağını görəcəyik”, – deyə Tramp əlavə edib.

“Son günlərdə ABŞ və İran arasında Vaşinqtonun təşəbbüsü ilə əlaqələr qurulub. Lakin onlar tamhüquqlu danışıqlar səviyyəsinə çatmayıb. Müharibəyə son qoymaq üçün razılaşma əldə edilib-edilməyəcəyini müəyyən etmək üçün müxtəlif vasitəçi ölkələrin köməkliyi ilə mesajlar ötürülüb”. Belə bir iddia ilə CNN çıxış edib.

Məqalədə o da vruğulanıb ki, İran ABŞ ilə birbaşa danışıqlar aparmaq istəmir. Lakin ölkənin milli maraqlarını nəzərə alan təklifləri dinləməyə hazırdır.