“ABŞ Latın Amerikasındakı hədəflərə zərbə endirməyə başlayacaq” | Tramp
“ABŞ Ordusu narkotik vasitələrin qanunsuz dövriyyəsi ilə mübarizə çərçivəsində yaxın vaxtlarda Latın Amerikasında yerüstü hədəflərə zərbələr endirməyə başlayacaq”.
Bunu ABŞ lideri Donald Tramp deyib.
O bildirib ki, ABŞ Ordusu yalnız Venesuelada deyil, digər Latın Amerikası ölkələrində də narkotik qaçaqmalçılarına zərbə endirməyə başlaya bilər.
“Eşitmişəm ki, Kolumbiya kokain istehsal edir. Onların kokain fabrikləri var, bilirsinizmi? Sonra da kokainlərini bizə satırlar. Bəli, bunu edən və ölkəmizə satan hər kəs hədəfə alınacaq. Bu insanlar – narkotik ticarətinin təşkilatçıları 200 mindən çox insanı öldürüblər və bu rəqəmlər azalıb.
Artıq biz quruda da bu zərbələri həyata keçirməyə başlayacağıq. Bilirsiniz, quruda çox asandır. Çünki onlar haqqında hər şeyi – getdikləri marşrutları, harada yaşadıqlarını bilirik. Biz pis adamların harada yaşadığını bilirik və biz bunu tezliklə etməyə başlayacağıq”, – deyə Ağ Ev rəhbəri qeyd edib.
Donald Tramp həmçinin bütün dünya liderlərinin ona hörmət etdiyini deyib.
“Bizə həqiqətən hörmət edirlər. NATO sammitinə gələndə məni Avropanın prezidenti adlandırdılar”, – deyə ABŞ lideri söyləyib.
#Donald Tramp teqi istifadə olunub
- Donald Tramp İlham Əliyevə davamlı dəstəyinə görə təşəkkür edib - Baku TV
- ABŞ Prezidentindən iddialı açıqlama | "Heç kim bunu etməmişdi" - Baku TV
- Tramp Milad bayramında Qəzzadakı uşaqları sevindirəcək? - Baku TV
- Tramp FIFA Sülh Mükafatına layiq görüldü
- Putin NATO-ya sərt çağırış etdi | Trampın müharibəni bitirmək istəməsində məqsədi nədir? - Baku TV
