Rusiyanın yük gəmisi Finlandiya körfəzində hücuma məruz qalıb - Baku TV
Yeniliklərdən dərhal xəbərdar olun
Finlandiya körfəzində Kalininqrada gedən Rusiya yük gəmisinə dronla hücum edilib.
“Reuters” xəbər verir ki, zərbədən sonra gəmidə yanğın baş verib.
Kalininqrad vilayətinin qubernatoru Aleksey Besprozvannıx “Telegram”dakı paylaşımında məlumatı təsdiqləyib.
Besprozvannıxın sözlərinə görə, hadisə Finlandiya körfəzinin neytral sularında baş verib. Hazırda heyət təxliyə olunur və mütəxəssislər hadisənin səbəblərini araşdırır.
Bu arada Finlandiya tərəfi zədələnən gəminin alovlandığını və beynəlxalq sulardan Finlandiya ərazi sularına doğru hərəkət etməyə başladığını təsdiqləyib.
Finlandiya Sərhəd Mühafizəsi vəziyyətin digər gəmilər üçün təhlükə yaratmadığını bildirib:
“Vəziyyət digər dəniz gəmiçiliyi üçün təhlükə yaratmır. Mümkün xilasetmə əməliyyatları üçün hazırlıqlar digər Finlandiya hakimiyyət orqanları və beynəlxalq səviyyədə əməkdaşlıq çərçivəsində aparılır”.
Kalininqrad vilayəti Baltik dənizi sahilində, Polşa və Litva ilə həmsərhəd olan Rusiyanın anklavıdır. Ərazi Rusiyanın materik hissəsindən ayrılıb və Moskva üçün strateji əhəmiyyətə malikdir.
#Finlandiya teqi istifadə olunub
- “Donbas Rusiyaya verilsin, Finlandiya NATO-dan çıxsın” | Kreml
- Finlandiya Ukraynada davam edən müharibənin təcrübəsindən hansı nəticələri çıxarır? - Baku TV CANLI
- Finlandiya baş nazirindən Ukraynaya qəfil səfər | İki ölkə arasında 7 saziş imzalanıb - Baku TV
- Dünyanı yeni savaş gözləyir? - Finlandiya Kalininqradın dəniz yolunu bağlayacaq? - Baku TV
- Rusiyalı turistlərin Avropaya səfərləri məhdudlaşdırılacaq? - Baku TV
