ABŞ müharibədə bu üsuldan istifadə etmək istəyir - Baku TV

"Zərurət yaranacağı təqdirdə, Pentaqonun İranda məhdud quru əməliyyatı keçirməsi ehtimalı mümkündür".

Bu barədə Amerika administrasiyasının nümayəndəsi Mayk Uolts "Fox News" telekanalına müsahibəsində bildirib.

"Əgər Prezidentə məqsədyönlü, məhdud ssenarini işə salmaq lazım gələrsə, heç bir şübhəm yoxdur ki, Pentaqon onu təmin edə biləcək", – deyə Uolts vurğulayıb.

Bununla belə, daimi nümayəndə işarə edib ki, Birləşmiş Ştatların İrana qarşı mümkün hərbi əməliyyatları 2003-cü ildə İraqda baş verənlərə bənzər genişmiqyaslı müdaxiləyə çevrilməyəcək.

"Qəti olaraq Tehranda buna bənzər heç nə baş verməyəcək", – deyə o bildirib.

Bu arada, ABŞ administrasiyası yaxın bir həftə ərzində Hörmüz boğazından keçən kommersiya gəmilərinin müşayiəti üçün beynəlxalq koalisiya yaradıldığını elan etməyi planlaşdırır.

Məlumata görə, hazırda gəmilərin müşayiətinin Yaxın Şərqdə hərbi əməliyyatlar başa çatmamışdan əvvəl, yoxsa sonra başlanacağı məsələsi müzakirə olunur.

Qeyd edilir ki, təşəbbüsə bir neçə ölkə qoşulacaq.