ABŞ-nin Rusiyaya qarşı yeni sanksiyaları niyə ləngiyir? | Hər şey ondan asılıdır

15 sentyabr 2025 204 baxış

"Konqres müstəqil şəkildə Rusiyaya qarşı yeni sanksiyalar paketini qəbul etməyə cəhd göstərməyi planlaşdırmır və bu addımı yalnız ABŞ Prezidenti Donald Trampla öz addımlarını razılaşdırdıqdan sonra atacaq".

Bunu Nümayəndələr Palatasının spikeri, respublikaçı Mayk Conson deyib.

"Konqres həqiqətən təkbaşına bunu edə bilməz, çünki əlbəttə Prezident bizim qəbul etdiyimiz hər hansı qanunu imzalamalıdır. Deməli, bu tərəfdaşlıq olmalıdır, lakin biz baş komandana müraciət etdik. Demək istədiyim odur ki, Prezident dünya səhnəsində güclü və cəsarətli liderdir. O, dünyada sülhün bərqərar olması üçün çalışıb və digər münaqişələri heç kimdə olmayan şəkildə həll edib. Bu səbəbdən biz inanırıq ki, o, eyni gücdən və eyni yanaşmadan istifadə edərək nəhayət Ukraynadakı müharibəni bitirə bilər. Amerikada hamı bu qan tökülməsinin bitməsini istəyir və Prezident Tramp bunu həyata keçirir", ‒ deyə Mayk Conson bildirib.

#Rusiya-Ukrayna müharibəsi