ABŞ Prezidenti qarşılıqlı səfərlərin tarixlərini açıqladı

ABŞ lideri Donald Tramp Çin Sədri Si Cinpinlə telefon danışığının təfərrüatlarını açıqlayıb.

Bu barədə o, "Truth Social" hesabında yazıb.

"Mənim indicə Çin Sədri Si Cinpinlə çox yaxşı telefon danışığım oldu. Biz geniş mövzuları, o cümlədən Rusiya-Ukrayna müharibəsini, fentanil, soya və digər kənd təsərrüfatı məhsulları və daha çox şeyləri müzakirə etdik. Böyük fermerlərimiz üçün yaxşı və çox vacib bir müqavilə bağladıq və bu, daha da yaxşı olacaq. Çinlə münasibətlərimiz müstəsna dərəcədə güclüdür", ‒ deyə paylaşımda bildirilir.

Donald Tramp əlavə edib ki, Si Cinpin 2026-cı ildə ABŞ-yə dövlət səfəri edəcək.

"O məni aprel ayında Pekinə səfərə dəvət etdi və mən də bunu qəbul etdim. Çin sədri də ilin sonunda ABŞ-də dövlət səfəri ilə qonağım olacaq. Biz müntəzəm ünsiyyət qurmağın vacibliyi barədə razılığa gəldik və mən bunu səbirsizliklə gözləyirəm", ‒ deyə D.Tramp əlavə edib.