ABŞ, Rusiya və Çin liderlərinin görüşü baş tuta bilər | Vaşinqton hansı addımı atır? - Baku TV

ABŞ Prezidenti Donald Tramp Rusiya Prezidenti Vladimir Putin və Çin Xalq Respublikasının Sədri Si Cinpinlə nüvə tərksilahı məsələlərini müzakirə etmək üçün üçtərəfli görüş keçirməyə hazır olduğunu bildirib.

Amerika lideri bu barədə Ağ Evin "Cənub Çəmənliyi"ndə jurnalistlərin suallarını cavablandırarkən danışıb.

Belə bir görüşün keçirilməsi ehtimalı ilə bağlı suala cavab verən Tramp hələlik heç bir razılaşmanın olmadığını, lakin bu təşəbbüsü nəzərdən keçirməyə hazır olduğunu deyib.

"Xeyr, amma bunu edərdim", – deyə ABŞ Prezidenti bildirib.

Onun sözlərinə görə, mümkün danışıqların əsas mövzusu nüvə silahları və nüvəsizləşdirmə məsələləri olacaq.

"Biz nüvə silahları və nüvəsizləşdirmə barədə danışmaq üçün görüş keçirərdik", – deyə Tramp əlavə edib.

ABŞ Prezidenti həmçinin Asiyaya planlaşdırılan səfəri çərçivəsində Şimali Koreya lideri ilə görüşüb-görüşməyəcəyi barədə sualı da cavablandırıb.

"Bu barədə heç nə bilmirəm. Kim Çen Inla münasibətlərim çox yaxşıdır. Onunla çox yaxşı yola gedirəm. Hər hansı tərəfin görüş keçirilməsini istəyib-istəmədiyinə əmin deyiləm", – deyə Tramp sözlərinə əlavə edib.