Pleyeri seçin:
Karbon qazı buğdada zülalı azaldaraq çörəyin keyfiyyətinə və həcminə birbaşa təsir edir
Almaniyalı alimlər müəyyən ediblər ki, atmosferdə karbon qazının konsentrasiyasının artması buğdanın tərkibindəki zülal miqdarını azalda və çörəyin keyfiyyətini pisləşdirə bilər.
Sahə təcrübəsinin nəticələrinə görə, belə buğdadan hazırlanan çörəklərin həcmi təxminən 4% az olub.
Münhen Texniki Universitetinin tədqiqatçıları 2023-cü ildə Almaniyada yetişdirilmiş 10 qışlıq buğda sortunu araşdırıblar. Bitkilərin bir hissəsi normal, digər hissəsi isə XXI əsrin ortaları üçün proqnozlaşdırılan yüksək karbon qazı konsentrasiyası şəraitində yetişdirilib.
Nəticələr göstərib ki, karbon qazının konsentrasiyasının yüksək olduğu şəraitdə yetişən buğdanın ümumi zülal miqdarı təxminən 5%, tədqiq edilən 21 qlüten zülalının ümumi miqdarı isə təxminən 19% azalıb.
Kopyalandı
Seçilmişlər
