Pleyeri seçin:
ABŞ və İran arasında yaxın günlərdə danışıqlar aparılacaq?
ABŞ və İran yaxın günlərdə texniki danışıqlar keçirmək planını qüvvədə saxlayır.
Bu barədə “The New York Times” ABŞ administrasiyasındakı adı açıqlanmayan rəsmi şəxsə istinadən məlumat yayıb.
Nəşrin yazdığına görə, tərəflərin qarşılıqlı zərbələr endirməsinə baxmayaraq, Vaşinqton və Tehran nümayəndələri arasında nəzərdə tutulan danışıqlar ləğv olunmayıb. Bildirilib ki, ABŞ və İran dekonfliktasiya kanalları vasitəsilə mesaj mübadiləsini də davam etdirir.
Qeyd edək ki, İran və ABŞ iyunun 18-nə keçən gecə fevralın 28-də başlayan hərbi münaqişənin başa çatmasını nəzərdə tutan memorandumu məsafədən imzalayıb. Sənəddə ABŞ tərəfinin dəniz blokadasını aradan qaldıracağı, İranın isə Hörmüz boğazında gəmiçiliyi bərpa edəcəyi müddətlər də müəyyən olunub. Bununla belə, bölgədə gərginlik hələ də qalır. Buna səbəb ABŞ-nin İrana vaxtaşırı zərbələr endirməsi, Tehranın isə Fars körfəzi ölkələrindəki Amerika bazalarına hücumlarla cavab verməsidir.
Kopyalandı
Seçilmişlər
