Dünya
Pleyeri seçin:
Abxaziyada müxalifət istədiyinə nail oldu | "Prezident"dən gözlənilməz qərar
Qondarma Abxaziyada hökumət və müxalifət nümayəndələri “prezident” Aslan Bjaniyanın istefa verdiyini bildirən saziş imzalayıblar.
Bu barədə A.Bjaniyanın mətbuat xidməti məlumat yayıb.
“Ölkədə sabitliyi və konstitusiya quruluşunu qorumaq üçün Abxaziya Respublikası “konstitusiyasının” 65-ci maddəsinə uyğun olaraq, Abxaziya “prezidenti” vəzifəsindən istefa verirəm”, – məlumatda qeyd olunub.
Razılaşmaya əsasən, dövlət binalarının ərazisinə və kompleksinə toplaşan vətəndaşlar noyabrın 19-da dağılışmalıdırlar. Buna əməl edilmədiyi təqdirdə A.Bjaniya istefa ərizəsini geri götürəcək.
Qeyd edək ki, Rusiya ilə mübahisəli investisiya sazişinə etiraz edən müxalifət bir neçə gündür ki, aksiya keçirir və A.Bjaniyanın istefasını tələb edir. Aksiya iştirakçıları “hökumət binalarını” da tam ələ keçirib, A.Bjaniya isə Suxumidən qaçıb və doğulduğu kəndə – Tamışa sığınıb.
Kopyalandı
Seçilmişlər
