Ağ Ev nümayəndəsi yayılan xəbərlərə aydınlıq gətirdi

Ağ Evin mətbuat katibinin baş müavini Anna Kelli ABŞ lideri Donald Trampın Pentaqon rəhbəri Pit Heqseti və Mərkəzi Kəşfiyyat İdarəsinin direktorunu İran sazişinə qarşı çıxdıqlarına görə işdən çıxarmağı düşündüyü barədə xəbərləri təkzib edib.

Anna Kelli bu barədə özünün "X" hesabında məlumat verib.

Qeyd edək ki, "Israel Hayom" qəzetinin köşə yazarı Denni Zaken Donald Trampın İranla razılaşmanı tənqid etdiklərinə görə Pentaqon rəhbəri və Mərkəzi Kəşfiyyat İdarəsinin direktoru da daxil olmaqla, bir neçə yüksəkvəzifəli şəxsi işdən çıxarmağı düşündüyünün iddia olunduğu məqalə dərc edib.

"Mən bu Denni Zaken haqqında heç vaxt eşitməmişdim. Ta ki o, Ağ Evlə əlaqə saxlamadan saxta xəbərlər yaymağa başlayana qədər. Aydın olsun ki, bu təlxək nədən danışdığını bilmir və onun mənbələri, ehtimal ki, sadəcə beynindəki səslərdir", – deyə Anna Kelli yazıb.