Ağ Ev rəhbəri bu addımı "biabırçı" adlanırdı

ABŞ Ali Məhkəməsi Prezident Donald Trampın tətbiq etdiyi genişmiqyaslı tarifləri ləğv edib.

Baş hakim Con Roberts tərəfindən yazılan və səs çoxluğu ilə qəbul edilən qərara görə, məhkəmə Beynəlxalq Fövqəladə İqtisadi Səlahiyyətlər Qanununun Trampa birtərəfli qaydada tariflər tətbiq etmək səlahiyyəti verməyib.

Bu qərar Tramp administrasiyasının Prezidentin ikinci müddətindəki “ən əhəmiyyətli iqtisadi və xarici siyasət təşəbbüsü” adlandırdığı tarifləri etibarsız edir.

Donald Tramp ölkənin Ali Məhkəməsinin xarici dövlətlərdən gələn mallara tətbiq edilən rüsumlarla bağlı qərarından məyus olduğunu və onların bu addımını "biabırçı" adlandırıb.

"NBC News"un məlumatına görə, ABŞ Prezidenti hər iki partiyanı təmsil edən bir qrup qubernatorla görüşüb və iştirakçılara onun ehtiyat planının olduğunu bildirib.

Qeyd edək ki, ABŞ Ali Məhkəməsi Trampın 2025-ci ildə xarici dövlətlərin mallarına rüsumların tətbiqi barədə qərarını qanunsuz hesab edib. Bu fikri altı hakim səsləndirib, üç hakim isə əks mövqe sərgiləyib.