Ağ Evdə sülh müqaviləsi imzalandı | ABŞ lideri daha iki ölkəni barışdırdı- Baku TV

ABŞ Prezidenti Donald Tramp daha iki ölkəni barışdırıb.

Ağ Evdə Ruanda və Konqo arasında sülh müqaviləsi imzalanıb.

Konqo və Ruanda prezidentləri Vaşinqtonda ölkələri arasındakı münaqişəni sülh yolu ilə həll etmək üçün saziş imzalayıblar. ABŞ lideri Donald Tramp da sazişə qol çəkib.

“Bu, fantastik bir gündür. ABŞ, dünya və bu iki ölkə üçün əla bir gündür. Onlar bir-birini öldürmək üçün çox vaxt sərf etdilər və indi də hər bir ölkə kimi ABŞ-ni iqtisadi cəhətdən qucaqlamaq, əl-ələ tutmaq və istismar etmək üçün çox vaxt sərf edəcəklər. Ən böyük şirkətlərimizi Konqo və Ruandaya göndərəcəyik. Bəzi nadir metallar və bəzi aktivlər çıxaracağıq. Hər kəs çox pul qazanacaq”, – deyə D.Tramp söyləyib.

Saziş rəsmi olaraq “Konqo və Ruanda liderləri arasında Sülh və Rifah üçün Vaşinqton Sazişləri” adlanır. Bu saziş iki ölkə tərəfindən bu ilin iyun ayında imzalanan sazişi genişləndirir.

Qeyd edək ki, 2025-ci ilin iyununda ABŞ-nin vasitəçiliyi ilə iki ölkənin xarici işlər nazirlikləri arasında sülh müqaviləsi imzalanıb.