Aİ Ukrayna münaqişəsinin həlli ilə bağlı hərəkətə keçdi

22 oktyabr 2025 339 baxış

Avropa ölkələri Kiyevlə birlikdə Ukrayna münaqişəsinin həlli üçün 12 bəndlik plan hazırlayır.

Bu barədə “Bloomberg“ mənbələrə istinadən məlumat yayıb.

Qeyd olunub ki, ABŞ Prezidenti Donald Trampın rəhbərlik etdiyi xüsusi şura təklif olunan planın həyata keçirilməsinə nəzarət edəcək.

Plana hər iki ölkənin hücumlarını dayandırması, bütün uşaqların Ukraynaya qaytarılması, hərbi əsirlərin dəyişdirilməsi, Kiyevə təhlükəsizlik zəmanətlərinin verilməsi, yenidənqurma məqsədilə maliyyə vəsaitinin və Aİ-yə üzvlük üçün sürətləndirilmiş yol təqdim edilməsi öhdəlikləri daxildir.

Bundan əlavə, rəsmi Moskvaya qarşı sanksiyalar tədricən aradan qaldırılacaq. Lakin bu ölkənin Mərkəzi Bankının dondurulmuş ehtiyatlarının təxminən 300 milyard dolları yalnız Rusiyaya Ukraynanın müharibədən sonrakı bərpasına töhfə verməyə razı olmasından sonra qaytarılacaq.

#Avropa İttifaqı