Aktyor Şahan Gökbakarın Dilan Polatla bağlı paylaşımı diqqət çəkdi

Aktyor Şahan Gökbakar bir neçə gün əvvəl azadlığa buraxılan sosial şəbəkə fenomeni Dilan Polatla bağlı paylaşımı ilə diqqət çəkib.

O, Dilanın azadlıqdakı görüntülərindən sonra küçədə müsahibə verdikdən sonra həbs olunan Dilruba adlı vətəndaşı xatırlayıb.

"Çirkli pulların yuyulmasına görə 40 il həbsi gözləniləni sərbəst buraxın. Amma küçə müsahibəsində qeyri-etik ifadə işlədəni həbsdə saxlayın", – deyə o bildirib.

Qeyd edək ki, Türkiyədə keçirilən əməliyyatlar çərçivəsində ötən il noyabrın 1-də fenomen Dilan Polat və həyat yoldaşı Engin Polat, həmçinin Dilanın bacısı Sıla Doğu, Enginin qardaşı Kürşat Polat daxil olmaqla 24 nəfər saxlanılıb.

Onlar çirkli pulların yuyulmasında ittiham olunurlar.