Alimlər gözlənilməz kəşfə imza atdı | Sensasiyalı məlumatlar üzə çıxdı

Paleontoloqlar, arxeoloqlar və digər mütəxəssislərdən ibarət beynəlxalq qrup 75 ildir anbarda olan plesiozavr fosilini tədqiq edərkən gözlənilməz kəşfə imza atıblar.

Alimlər müasir avadanlıqların köməyi ilə qədim məxluqun xarici görünüşünü və anatomiyasını aydınlaşdırmağa nail olublar.

Araşdırma zamanı bu nəhəng kərtənkələlərin müasir dəniz tısbağalarına bənzədiyi ortaya çıxıb.

Plesiozavrların ilana bənzər boyunu, iki cüt üzgəci, güclü çənələri və iti dişləri olub, dəniz və okeanlarda yaşayır, balıqlarla qidalanırdılar. Bəzi növləri quşları və uçan sürünənləri də tuta bilirdi. Uzunluğu 20 metrə qədər olan plesiozavrın təxminən 183 milyon il əvvəl yaşadığı müəyyən edilib.

Qeyd edək ki, plesiozavrın qalıqları 1940-cı ildə Almaniyanın Holzmaden şəhəri yaxınlığındakı karxanada tapılıb. İkinci Dünya müharibəsi zamanı qorunmaq üçün muzey bağçasında gizlədilib, müharibədən sonra isə anbara yerləşdirilib və 2020-ci ilə qədər orada qalıb. Yalnız indi alimlər tapıntını ətraflı şəkildə araşdıra biliblər.