Pleyeri seçin:
Alimlər möhtəşəm kəşfə imza atdı | Qobi səhrasından görün nə aşkarlandı
Okayama Elm Universitetinin və Monqolustan Elmlər Akademiyasının Paleontologiya İnstitutunun alimlərinin rəhbərlik etdiyi beynəlxalq ekspedisiya möhtəşəm kəşfə imza atıb.
Qobi səhrasının qərb hissəsində tədqiqatçılar dünyanın ən böyük dinozavr izlərindən birini aşkar ediblər. İzin eni 92 santimetrdir, bu da onu tanınmış tirannozavr və tarbozavrdan daha böyük edir.
Tapıntı Monqolustanda tarixin ən böyük ikiayaqlı heyvanlarından birinin yaşadığını göstərir. Bu kəşf regionun mezozoy faunasının öyrənilməsində yeni bir mərhələ açacaq.
Məlumat üçün bildirək ki, tirannozavr yırtıcı olub, əsasən indiki Şimali Amerika ərazisində yaşayıb. Tarixin quruda yaşayan ən iri yırtıcılarından biri sayılır. Quruda yaşayan digər nəhəng yırtıcı isə tarbozavr olub. Hazırkı izlər isə Monqolustandakı dinozavrın bunlardan daha böyük olduğunu müəyyənləşdirib.
Kopyalandı
