Alimləri vahiməyə salan hadisə | Mədənçinin müəmmalı qətli barədə detallar

Böyük Britaniyanın Todmorden şəhərində təxminən 50 il əvvəl aşkar edilən polşalı mədənçi Ziqmund Adamskinin cəsədinin üzərindəki qeyri-adi xəsarətlərin sirri hələ də mütəxəssislər tərəfindən araşdırılır, lakin çoxları onun ölümündə yerdən kənar sivilizasiyanın izi olduğuna inanırlar.

Qeyd olunur ki, 56 yaşlı mədənçinin 6 iyun 1980-ci ildə tapılan cəsədi hündürlüyü təqribən üç metrə çatan kömür yatağının üzərində olub. Kişinin saçları səliqəsiz şəkildə kəsilib, saatı, pul kisəsi və köynəyi yoxa çıxıb, lakin kostyumu əynində olub.

Ən qəribəsi isə cəsədin mədənçinin evindən 50 kilometr aralıda aşkar edilməsidir. Onun çiyinlərində və boynunda qəribə, üzərinə məlhəməbənzər maddə sürtülmüş yanıqlar aşkar edilib. Mütəxəssislər bu maddənin nə olduğunu müəyyən edə bilməyiblər.

Yarılma kişinin infarktdan öldüyünü göstərib. Lakin həm polis, həm də səlahiyyətlilər onun ölümünün səbəbinin müəmmalı olduğunu hesab edirlər.

Onu şimşəyin vurması və ya sovetlərin Dövlət Təhlükəsizliyi Komitəsinin üzvlərinin hücumuna məruz qalması ilə bağlı versiyalar irəli sürülüb, lakin ən populyarı yadplanetlilərin müdaxiləsi ehtimalıdır.

Maraqlıdır ki, polis tarixin ən müəmmalı ölümlərindən birinin üstünü hələ də aça bilmir.