Alla Puqaçova ilə bağlı sensasiyalı iddia | Gömrük icazə vermədi

Rusiyanın Xalq artisti Alla Puqaçova təxminən 20 milyon dollar dəyərində olan əntiq əşyaları, o cümlədən 16-19-cu əsrlərə aid sənət əsərlərini ölkəsindən çıxarmağa cəhd edib.

Məlumata görə, qiymətli əsərlər arasında Leonardo da Vinçi və Rembrandtın rəsmləri də yer alıb. Əşyaların və əsərlərin sənədlər paketi natamam olduğu üçün gömrük rəsmiləri onların ölkədən çıxarılmasına icazə verməyib.

Bildirilib ki, ötən il 75 yaşlı müğənninin nümayəndələri antik əşyaların inventarını tərtib ediblər. Kolleksiyaçılar Puqaçovanın kolleksiyasını 20 milyon dollar dəyərində qiymətləndiriblər.

Mütəxəssislərin fikrincə, qədim sənət əsərləri arasında 16-17-ci əsrlərə aid muzey eksponatları da var ki, onları hərraclarda külli miqdarda pula satmaq olar. Məsələn Leonardo da Vinçinin müasiri Domeniko Puliqonun əsəri hərracda qiyməti 1 milyon dollardan başlayır.