Alla Puqaçova Rusiyada "xarici agent" kimi tanınacaq

"Bir daha Rusiyadan pul ala bilməməsi üçün Alla Puqaçova xarici agent siyahısına salınmalıdır".

Bu təkliflə rusiyalı deputat Aleksey Juravlyov çıxış edib.

"Bütün utanc hissini itirmiş A.Puqaçovanın nəhayət xarici agent kimi tanınmasını tələb edirəm. Ona görə ki, daha nifrət etdiyi Rusiyadan pul ala, burada konsertlər təşkil edə bilməsin, qonorar almasın.

Görəcəksiniz, tezliklə müğənni Stas Mixaylovun proqnozlaşdırdığı kimi, tövbə etmək və bağışlanma diləmək üçün sürünərək gələcək. O zaman çox gec olacaq", – A.Juravlyov bildirib.

Qeyd edək ki, məşhur müğənni, SSRİ xalq artisti Alla Puqaçova Ukraynada müharibənin əleyhinə çıxdığı üçün Rusiya rəsmiləri tərəfindən vaxtaşırı hədəfə çevrilir.