Almaz gələcəkdə bu rolu oynaya bilər | Tədqiqatçılar elə şeyləri üzə çıxardı ki...

Çinli tədqiqatçılar məlumatların ultra sıx saxlanmasını təmin edən almaz konstruksiyaya yazılması texnologiyasını işləyib hazırlayıblar.

Üsul milyonlarla il ərzində bir kubsantimetr kristalda 1,85 terabayta qədər məlumatı saxlamağa imkan verir.

Alimlər almaz kristal şəbəkəsində kiçik boşluqlar yaratmaq üçün ultra sürətli lazer impulslarından istifadə ediblər. Kristalları xüsusi lazerlərlə şüalandırmaqla tədqiqatçılar karbon atomlarının bir hissəsini çıxararaq mikroskopik boşluqlar formalaşdırıblar. Bu boşluqlar məlumatların kodlaşdırılması və saxlanmasına xidmət edir.

Texnologiyanın imkanlarını nümayiş etdirmək üçün alimlər Edvard Meybric tərəfindən çəkilən bir sıra tarixi fotoşəkilləri kodlaşdıraraq məlumat çıxarışının 99 faiz səviyyədə dəqiqliyinə nail olublar.

Metod həm böyük miqdarda məlumatı saxlamağa imkan verir, həm də son dərəcə uzun müddət ərzində onun bütövlüyünə zəmanət verir.

Gələcəkdə bu üsul olduqca mühüm məlumatların uzunmüddətli arxivləşdirilməsində istifadə edilə bilər.