Pleyeri seçin:
Ananın qorxduğu başına gəldi? - Körpə təyyarədəkiləri mat qoydu
4 aylıq körpəsinin 10 saatlıq uçuş zamanı çıxara biləcəyi səs-küyə görə əvvəlcədən üzr istəmək niyyəti ilə koreyalı gənc qadın təyyarənin sərnişinlərinə 200 ədəd kiçik paket paylayıb.
Hər paketdə qulaqlıq, şirniyyat və belə bir qeyd var idi:
"Salam! Mən Jun Vuyam, 4 aylıq körpəyəm. Bu gün anam və nənəmlə birlikdə ABŞ-yə xalamı görməyə gedirəm. Bir az həyəcanlıyam və qorxuram, çünki bu mənim ilk uçuşumdur. Ola bilər ki, ağlayım və ya çox səs-küy salım.
Əlimdən gələni edəcəyəm ki, sakit olum, amma heç nə vəd edə bilmərəm. Ona görə də anam sizin üçün balaca bir paket hazırlayıb. İçində şirniyyat və qulaqlıqlar var. Əgər mənim səsim sizi narahat etsə, o zaman istifadə edə bilərsiniz. Səyahətinizdən həzz alın. Çox sağ olun".
Ancaq uzun sürən uçuşun sonunda məlum olub ki, Jun Vunun anası nahaq yerə narahat olub. Çünki 4 aylıq Vu 10 saatlıq uçuş ərzində böyüklərdən də az səs çıxararaq bütün yolboyu yatıbmış.
Kopyalandı
Seçilmişlər
