Artıq çəki və pis vərdişlər nələrə səbəb olur?

"Əgər arterial təzyiqiniz qəfildən yüksələrsə, otağı havalandırın, paltarlarınızın yaxasını və ya düymələrini açın, bir qədər su için, oturun və ya uzanın. Bu addımlar dərman qəbul etmədən qan təzyiqinin qısa müddətdə sabitləşməsinə kömək edə bilər”.

Bunu "Gazeta.ru"ya rusiyalı kardioloq Valentina Baydina deyib.

Mütəxəssis qeyd edib ki, əgər təzyiq enməzsə, həkiminizin təyin etdiyi dərmanları qəbul etməli və tibbi yardım almalısınız. Onun həkim tərəfindən tövsiyə olunan müalicə olmadan qan təzyiqini özbaşına aşağı salmağa çalışmaq insult və infarkt da daxil olmaqla ciddi fəsadlara səbəb ola bilər.

"Təhlükəli vəziyyətin əlamətlərinə güclü baş ağrısı, ürəkbulanma, qusma, ətraflarda və üzün müəyyən hissələrində uyuşma, həmçinin nitq pozğunluğu daxildir", – deyə o qeyd edib.

Mütəxəssis əlavə edib ki, uzunmüddətli perspektivdə hipertoniyanın profilaktikası dərman terapiyası ilə yanaşı, həyat tərzinin korreksiyasını da əhatə etməlidir. Arterial təzyiq göstəriciləri normal olduğu və əks-göstərişlər olmadığı halda orta fiziki aktivlik, açıq havada gəzintilər, artıq çəkidən azad olma, siqaret və spirtli içkilərdən imtina mühüm rol oynayır.