Asteroidlərlə bağlı təccübləndirən araşdırma | Kosmik kentavrların mənşəyi

Mərkəzi Florida Universiteti, Fransa Milli Elmi Tədqiqat Mərkəzi və Kanar Adaları Astrofizika İnstitutunun alimləri ilk dəfə olaraq trans-Neptun cisimlərinin (TNO) və kentavrların, yəni kometayabənzər asteroidlərin tərkibini ətraflı şəkildə araşdırıblar.

Araşdırma nəticəsində məlum olub ki, trans-Neptun cisimlər və kentavrlar erkən Günəş sisteminin protoplanetar diskində əmələ gələn kimyəvi tərkibinə görə qruplara bölünürlər.

Alimlər spektral məlumatlardan istifadə edərək su buzu, karbon qazı, metanol və mürəkkəb üzvi birləşmələr kimi əsas molekulları müəyyən ediblər. Bundan əlavə, kentavrların spektral xüsusiyyətlərinin onların keçmişdəki orbital xüsusiyyətlərindən və şərtlərindən asılı olaraq dəyişdiyi aşkar edilib.

Bəzi kentavrlar trans-Neptun cisimlərinin xüsusiyyətlərini saxlayır, digərləri isə istilik təkamülü səbəbindən dəyişikliklər göstərir. Kentavrlarda reqolit mantiyaların olması da onların səthindəki dəyişiklikləri izah edən yeni kəşf idi.