Pleyeri seçin:
Astronavtlar Aya maksimum dərəcədə yaxınlaşıblar
"Orion" kosmik gəmisi ilə həyata keçirilən "Artemis II" missiyası Ayın cazibə təsiri zonasına uğurla daxil olub.
NASA-nın rəsmi saytı xəbər verir ki, ekipaj Yer kürəsindən ən uzaq məsafəyə uçuş üzrə yeni rekord müəyyən edib.
Bildirilir ki, "Artemis II" ekipajı pilotlu missiyalar tarixində ən böyük məsafəyə çataraq "Apollo 13" missiyasının rekordunu geridə qoyub.
Məlumata görə, ekipaj üzvləri Yer kürəsindən təxminən 406 608 km uzaqlaşıblar. Bu göstərici 1970-ci ildə "Apollo 13" missiyasının nailiyyətini 6 437 km üstələyir. Uçuş zamanı "Orion" kosmik gəmisi astronavtlarla birlikdə Aydan 8 047 km daha uzağa uçub.
Qeyd edək ki, "Artemis II" missiyası aprelin 2-də ABŞ-nin Kanaveral burnundan start götürüb. Uçuş sərbəst qayıdış trayektoriyası üzrə həyata keçirilir və bu mərhələdə Ay səthinə eniş nəzərdə tutulmur. Ümumi müddəti təxminən 10 gün olan bu missiya insanların yenidən Aya göndərilməsi üçün həlledici hazırlıq mərhələsi hesab olunur.
Kopyalandı
#Artemis II teqi istifadə olunub
Seçilmişlər
