Avropa ölkələri Putinlə bağlı nə təklif edir?

Cenevrədə keçirilən danışıqlar zamanı Avropa ölkələri Ukrayna üzrə mümkün sülh sazişinin bir hissəsi kimi Rusiya Prezidenti Vladimir Putinin “Böyük səkkizlik” (G8) formatına qaytarılması barədə təklif irəli sürüb.

Bu barədə "The Telegraph" məlumat yayıb.

Nəşr qeyd edir ki, bu addım Ukrayna üzrə potensial sülh sazişi çərçivəsində həyata keçirilə bilər. Danışıqlarda iştirak edən mənbələr bildiriblər ki, təqdim olunan paketdəki bəndlərdən biri məhz Rusiyanın G8 formatına bərpa olunmasıdır.

Xatırladaq ki, Rusiya 2017-ci ildə Krımın işğalından sonra bu formatdan kənarlaşdırılmışdı.

Məlumatda vurğulanır ki, bu təklif Avropa liderlərinin ABŞ – Rusiya sülh planına cavab olaraq hazırladıqları daha geniş güzəştlər siyahısına daxildir. Həmin plan bu həftə ictimaiyyətə açıqlanıb.

Materialda həmçinin bildirilir ki, Avropa liderləri və Böyük Britaniya nümayəndələrinin üzərində işlədiyi sənəddə Rusiyanın dünya iqtisadiyyatına “tədrici reinteqrasiyası”nın mümkünlüyü də qeyd olunub. Ölkənin G8-ə qaytarılması bu prosesin mümkün elementlərindən biri kimi göstərilir.