Avropanı qarışdıracaq plan | Xalqı ayağa qaldırmaq istəyənlərin ümidləri puç olacaq?

25 iyul 2025 154 baxış

Avropa qonşu Gürcüstanı vizasız səyahət rejiminin ləğvi ilə təhdid etməyə davam edir. Ancaq bütün Avropa ölkələri bu məsələdə yekdil fikrə malik deyil.

Gürcüstan Strateji Planlaşdırmalar Mərkəzinin rəhbəri Levan Mamaladzenin sözlərinə görə, Avropa Parlamenti bunu Gürcüstanda daxili siyasi vəziyyətə təsir göstərmək üçün edir:

“Məqsəd xalqı hökumətə qarşı ayağa qaldırmaqdır. Ancaq bir məsələ var ki, viza rejiminin tətbiqi üçün Avropa ölkələri birlikdə razılığa gəlməlidir. İspaniya, Slovakiya və bu kimi digər ölkələr Gürcüstan əleyhinə səs verməyəcəklər. Buna görə də Avropa Parlamenti əleyhimizə qərar qəbul edə bilməyəcək. Avropa ilə əlaqələr ədalətli şəkildə deyil, siyasi maraqlar üzərində qurulub”.

Qeyd edək ki, 2017-ci ildən Gürcüstanla Avropa İttifaqı arasında vizasız gediş-gəliş razılaşdırılıb. Son dövrlər isə Brüssellə Tbilisi arasında münasibətlər gərginləşib və vizasız rejimin ləğv edilməsi məsələsi gündəmə gəlib.

#Gürcüstan