Ayın cənubunda görün nə tapıldı | Yeganə fərq budur ki...

Rusiya-Çin alimləri qrupu Ayın cənub qütbündə yerləşən Şumeyker kraterinin daim kölgəli dibinin fotogeoloji təhlilini aparıblar.

Araşdırmanın nəticələri kraterin dibində buz şəklində suyun mövcudluğuna işarə edir.

Kölgəli dibdə görünən yenilik bəzi kraterlərin valının kəskin “pərli” xarici sonluğudur. Bu, hədəf materialında su buzunun mövcudluğu ilə əlaqədardır.

Təhlil göstərib ki, Şumeyker krateri dibinin morfologiyasında kraterlər üstünlük təşkil edir. Daxili yamacların kölgəli aşağı hissələrinin səthi dalğalıdır, yəni “fil dərisi” adlanan teksturdadır. Bu isə Ayda Günəşlə normal işıqlanan düzənliklər və yamaclar üçün xarakterikdir.

Yeganə fərq Şumeykerin dibində qanadlı “pərli” kraterlərin olmasıdır.

Qeyd edək ki, Şumeyker kraterində potensial su buzu yataqlarının aşkar edilməsi gələcək Ay missiyaları üçün böyük əhəmiyyət kəsb edir. Bundan əlavə, belə tapıntılar təbii peykimizin geoloji tarixi və təkamülünə işıq salır.